തലയോലപ്പറമ്പ്: തലയോലപ്പറമ്പ് പഞ്ചായത്ത് 14-ാം വാർഡിൽ സ്ഥാപിച്ചിരുന്ന സി.സി.ടി.വി ക്യാമറ മോഷണം പോയി. തലയോലപ്പറമ്പ് - ഏഴുമാന്തുരുത്ത് റോഡിൽ എഴുമാന്തുരുത്ത് പാലത്തിനു സമീപം സ്ഥാപിച്ചിരുന്ന ക്യാമറയാണ് മോഷണം പോയത്. വ്യാഴാഴ്ച രാത്രിയിലായിരുന്നു സംഭവം. പാലത്തിനു സമീപം മാലിന്യങ്ങൾ തള്ളുന്നതും സാമൂഹ്യവിരുദ്ധ പ്രവർത്തനങ്ങൾ നടക്കുന്നതായും പരാതി ഉയർന്നിരുന്നു. ഇതേ തുടർന്നാണ് 2024- 25 പദ്ധതിയിൽപെടുത്തി ഇവിടെ ക്യാമറ സ്ഥാപിച്ചത്. വാർഡ് മെമ്പറും പഞ്ചായത്ത് വൈസ് പ്രസിഡണ്ടുമായ അനിതാ സുബാഷ് തലയോലപ്പറമ്പ് പോലീസിൽ പരാതി നൽകി.