വൈക്കം: വടക്കേ നട കൊച്ചാലും ചുവടിന് സമീപം കോനാട്ട് റോഡരികിലെ വീട്ടിൽ പെരുമ്പാമ്പിനെ കണ്ടെത്തി.

കെഎസ്ഇബി ജീവനക്കാരനായ രാജ്ഭവനിൽ സോമു എന്ന് വിളിക്കുന്ന ആർ.ആർ ജയശങ്കറിന്റെ വീട്ടിലാണ് പെരുമ്പാമ്പിനെ കണ്ടത്. രാത്രി ഏഴരയോടെയാണ് വീടിന് സമീപത്തെ കാടുപിടിച്ചു കിടക്കുന്ന ചതുപ്പിൽ നിന്നും മതിലു വഴി ഇഴഞ്ഞ് പെരുമ്പാമ്പ് എത്തിയത്. വീടിനുമുന്നിലെ ഇടവഴിയിലൂടെ പോയ സമീപവാസിയായ യുവാവാണ് പാമ്പിനെ കണ്ടത്. അപ്പോഴേക്കും പാമ്പിഴഞ്ഞ് ജയശങ്കറിന്റെയും വീടിന്റെ മുറ്റത്തിന് സമീപത്തെ ചെടികൾക്കിടയിൽ ഇരുപ്പുറപ്പിച്ചു. തുടർന്ന് വീടിരിക്കുന്ന ഇരുപത്തിയൊന്നാം വാർഡിലെ നഗരസഭാംഗമായ ഡി. രഞ്ജിത് കുമാർ സ്നേക്ക് റെസ്ക്യൂ ടീം അംഗത്തെ വിവരം അറിയിക്കുകയായിക്കുന്നു.രാത്രി 9 മണിയോടെ സ്നേക് റസ്ക്യൂ സംഘത്തിലെ അംഗം എത്തിയാണ് പാമ്പിനെ പിടികൂടിയത്. പ്രദേശത്ത് വിഷപ്പാമ്പുകളെ അടക്കം മുമ്പും കണ്ടിട്ടുള്ളതായി പ്രദേശവാസികൾ പറഞ്ഞു. 8 അടിയോളം നീളമുള്ള 15 കിലോയിലധികം ഭാരം വരുന്ന പെരുമ്പാമ്പിനെയാണ് പിടി കൂടിയത്.