പെരുവയിൽ കോൺഗ്രസ് - സി.പി.എം സംഘർഷം

കടുത്തുരുത്തി: പെരുവയിൽ കോൺഗ്രസ് പ്രവർത്തകരും സി.പി.എം പ്രവർത്തകരും തമ്മിൽ വാക്കേറ്റവും വെല്ലുവിളിയും.

ആരോഗ്യമന്ത്രിക്ക് നേരെ ഉണ്ടായ കയ്യേറ്റത്തിൽ പ്രതിഷേധിച്ച് ഇന്നലെ ഡി.വൈ.എഫ്.ഐ നടത്തിയ പ്രതിഷേധ പ്രകടനത്തിനിടെ കോൺഗ്രസിന്റെ കൊടിമരവും കൊടിയും നശിപ്പിച്ചിരുന്നു. ഇതിൽ പ്രതിഷേധിച്ച് കോൺഗ്രസ് ഇന്ന് ആറരയോടെ പെരുവയിൽ നടത്തിയ സമ്മേളനം സി.പി.എം പ്രവർത്തകർ തടയാൻ ശ്രമിച്ചു. കടുത്തുരുത്തി കോൺഗ്രസ് ബ്ലോക്ക് പ്രസിഡൻ്റ് ജെയിംസ് പുല്ലാപ്പള്ളി ഇടതുസർക്കാരിനെ തിരെ പ്രസംഗിച്ചതോടെ സി.പി.എം. പ്രവർത്തകർ തടയാൻ ശ്രമിക്കുകയായിരുന്നു. ഇതോടെ വാക്കേറ്റമായി. ഇരു വിഭാഗത്തിൻ്റെയും നടുവിൽ പോലീസ് നിരന്നാണ് സംഘർഷം ഒഴിവാക്കിയത്. സമീപ പോലീസ് സ്റ്റേഷനിൽ നിന്ന് കൂടുതൽ പോലീസ് എത്തി സമയോജിതമായി ഇടപെട്ടതുകൊണ്ടാണ് സംഘർഷം ഒഴിവായത്. ഒരുമണിക്കൂറോളം റോഡിൽ ഇരുവശവുമായി വെല്ലുവിളിയുമായി ഇരുകൂട്ടരും നിലയുറപ്പിച്ചതോടെയാണ് പെരുവയിൽ സംഘർഘാവസ്ഥ ഉണ്ടായത്.