പൊൻകുന്നത്ത് വാടക വീടിനുള്ളിൽ ദമ്പതികളെ മരിച്ച നിലയിൽ കണ്ടെത്തി

കോട്ടയം: പൊൻകുന്നം തോണിപ്പാറ റോഡിന് സമീപം പഴയ ചന്തയിൽ വാടകവീട്ടിൽ താമസിക്കുന്ന മാന്നാർ സ്വദേശി സാജൻ(34), ഭാര്യ വാഴൂർ സ്വദേശി അനുഷ(30) എന്നിവരെയാണ് മരിച്ച നിലയിൽ കണ്ടെത്തിയത്. രണ്ടാം നിലയിലുള്ള വാടക വീടിന്റെ മുറിയിൽ രക്തത്തിൽ കുളിച്ച് നിലയിലാണ് മൃതദേഹങ്ങൾ കണ്ടെത്തിയത്. രാത്രിയിൽ വഴക്ക് കേട്ടിരുന്നതായും രാവിലെ വിളിച്ചപ്പോൾ ഫോണിൽ ലഭിക്കാനായി തുടർന്ന്. മുകളിലെത്തി നോക്കിയപ്പോൾ ഇരുവരും മരിച്ചുകിടക്കുന്നത് കണ്ടെത്തുകയായിരുന്നു എന്നും വീട്ടുടമ പാപ്പച്ചൻ പറഞ്ഞു. രണ്ടര വയസ്സുള്ള മകളും ഇവർക്കൊപ്പം വീട്ടിൽ ഉണ്ടായിരുന്നു. വാഴൂർ കറുതോടിയിൽ എൽസമ്മ തങ്കച്ചൻ ദമ്പതികളുടെ മകളാണ് അനുഷ. മാന്നാർ സ്വദേശിയായ സാജൻ ജെ.സി.ബി ഓപ്പറേറ്റാറാണ്.
അബിഷ, എറിക്കാ എന്നിവരാണ് മക്കൾ. ഫോറൻസിക്, ഫിംഗർപ്രിന്റ്, ഡോഗ് സ്കോഡ് എന്നിവ സ്ഥലത്തെത്തി പരിശോധന നടത്തി. ഇൻക്വസ്റ്റ് നടപടികൾ പൂർത്തിയാക്കി പോസ്റ്റ്മോർട്ടത്തിനായി മൃതദേഹങ്ങൾ കോട്ടയം മെഡിക്കൽ കോളേജിലേക്ക് മാറ്റി.