പോളശ്ശേരി ഭഗവതി ക്ഷേത്രത്തില്‍ ആറാട്ട് എഴുന്നള്ളിപ്പ് ഭക്തിസാന്ദ്രം
വൈക്കം: പോളശ്ശേരി ഭഗവതി ക്ഷേത്രത്തിലെ മീനഭരണി മഹോത്സവത്തിന്റെ സമാപനം കുറിച്ചു തിങ്കളാഴ്ച രാവിലെ നടന്ന ആറാട്ട് എഴുന്നള്ളിപ്പും ആറാട്ട് പൂജയും ഭക്തിനിര്‍ഭരമായി. ആറാട്ട് ബിംബം തന്ത്രിയും മേല്‍ശാന്തിയും ഭക്തജനങ്ങളും ചേര്‍ന്ന് വേമ്പനാട്ട് കായലിന്റെ ആറാട്ട് കടവിലേക്ക് എഴുന്നള്ളിച്ചു. ആറാട്ട് കടവില്‍ നടന്ന പൂജകള്‍ക്ക് തന്ത്രി പി.വി സാലി പുത്തന്‍പുര, മേല്‍ശാന്തി ആര്‍.ഗിരീഷ്, സഹതന്ത്രി പി.വി ശ്രീകുട്ടന്‍ എന്നിവര്‍ മുഖ്യകാര്‍മ്മികരായിരുന്നു. ആറാട്ടിന് ശേഷം ബിംബം ക്ഷേത്രത്തിലേക്ക് എഴുന്നള്ളിച്ചു. വഴിയോരങ്ങളില്‍ ദീപങ്ങള്‍ തെളിയിച്ച് ഭക്തര്‍ വരവേല്‍പ് നല്‍കി. ക്ഷേത്രം ഭാരവാഹികളായ എന്‍.ടി സണ്ണി, എന്‍.കെ ബാബു, സി.എസ് നാരായണന്‍കുട്ടി, പി.ആര്‍ വിശ്വകുമാര്‍, ടി.ഡി രതീഷ് എന്നിവര്‍ നേതൃത്വം നല്‍കി.
Comments ()