ഇന്ധനക്ഷാമം പരിഹരിക്കാൻ കഴിയാത്തത് കേന്ദ്രസർക്കാരിൻ്റെ തെറ്റായ വിദേശ നയം മൂലം: വി.എം. സുധീരൻ

തലയോലപ്പറമ്പ്: ഇന്ധന വിലവർധനവിന് എതിരെ തലയോലപ്പറമ്പ് ബ്ലോക്ക് കോൺഗ്രസ് കമ്മിറ്റി സംഘടിപ്പിച്ച പ്രതിഷേധ സംഗമം ഉദ്ഘാടനം ചെയ്യുകയായിരുന്നു അദ്ദേഹം. ഇന്ധന വിലവർധനവ് ജനങ്ങളെ ബാധിക്കാതിരിക്കാൻ പല വിദേശരാജ്യങ്ങളും സബ്സിഡിയോടുകൂടി ഇന്ധനം വിതരണം ചെയ്തിട്ടും നരേന്ദ്രമോഡി സർക്കാർ അതിന് തയ്യാറാകാതിരുന്നത് ജനദ്രോഹമാണെന്നും വി.എം. സുധീരൻ ആരോപിച്ചു. തലയോലപ്പറമ്പ് സെൻട്രൽ ജംഗ്ഷനിൽ നടന്ന പ്രതിഷേധ സംഗമത്തിൽ കോൺഗ്രസ് ബ്ലോക്ക് പ്രസിഡണ്ട് എം.കെ ഷിബു അധ്യക്ഷത വഹിച്ചു. കെ. ബിനിമോന്‍ എം.എൽ.എ, മോഹൻ ഡി. ബാബു, പി.വി പ്രസാദ്, അഡ്വ.പി.പി സിബിച്ചൻ, ഷൈൻ പ്രകാശ്, ജോസ് വേലിക്കകം, വി.ടി.ജെയിംസ്, കുര്യാക്കോസ് തോട്ടത്തിൽ, എസ്. ജയപ്രകാശ്, എം.ജെ. ജോർജ്, സി.ജി. ബിനു, പി.വി. സുരേന്ദ്രൻ, കെ.കെ. ഷാജി, വി.ജെ. ബാബു, കുമാരി കരുണാകരൻ, അനിത സുഭാഷ്, ഫെബിന നിസാർ, കെ.ജെ. സണ്ണി, മോഹൻ കെ. തോട്ടുപുറം, വി.സി. ജോഷി, എസ്. ശ്യാംകുമാർ, ടി.വി. സുരേന്ദ്രൻ, നിഷാ. വി. നായർ, വനജ അനിൽകുമാർ എന്നിവർ പ്രസംഗിച്ചു.