വൈക്കം: ഉദയനാപുരം ഗ്രാമപഞ്ചായത്ത് 2025-26 വാർഷിക പദ്ധതിയിൽ ഭാഗമായി പഞ്ചായത്തിലെ പട്ടികജാതി വിഭാഗത്തിൽ ഉൾപ്പെട്ട ബിരുദ വിദ്യാർത്ഥികൾക്ക് പഠനസഹായധനം വിതരണം ചെയ്തു.

ബിരുദ വിദ്യാർത്ഥികൾക്ക് 20000 രൂപ വീതമാണ് നൽകിയത്. ബിരുദാനന്തര വിദ്യാർത്ഥികൾക്ക് 25000 രൂപ വീതവും സംസ്ഥാനത്തിന് വെളിയിൽ പഠിക്കുന്ന വിദ്യാർത്ഥികൾക്ക് 50000 രൂപ വീതവും സ്കോളർഷിപ്പ് നൽകി. വിദ്യാഭ്യാസ സഹായ ധന വിതരണ ഉദ്ഘാടനം പഞ്ചായത്ത് പ്രസിഡൻ്റ് കെ.ജി. രാജു നിർവ്വഹിച്ചു. പദ്ധതി വിശദീകരണം അസ്സിസ്റ്റൻ്റ് സെക്രട്ടറി ജയേഷ് ബാബു നടത്തി. ഒന്നാം ഘട്ടമായി 12 വിദ്യാർത്ഥികൾക്കാണ് സഹായം നൽകിയത്. 3.5 ലക്ഷം രൂപയാണ് ആദ്യഘട്ടത്തിൽ നൽകിയത്. വൈസ് പ്രസിഡൻ്റ് ബിന്ദു അനിൽകുമാർ അദ്ധ്യക്ഷത വഹിച്ചു.. പഞ്ചായത്ത് അംഗങ്ങളായ കെ.ദീപേഷ്, അജിതാ മധു, ജസീനാ ഷാജുദ്ദീൻ, വി.ബിൻസ്, ഗീതാ ഷാജി, ഷൈലജാ സതീശൻ തുടങ്ങിയവർ ചടങ്ങിൽ പങ്കെടുത്തു