പൂങ്കാവിൽ താലപ്പൊലി

വൈക്കം: ഇടയാഴം പൂങ്കാവ് ദേവി ക്ഷേത്രത്തിലെ കുംഭഭരണിയുടെ ഭാഗമായി ഇടയാഴം എൻ.എസ്.എസ്. കരയോഗത്തിന്റെ നേതൃത്വത്തിൽ താലപ്പൊലി നടത്തി. വിവിധ വാദ്യമേളങ്ങളുടെ അകമ്പടിയോടെ നെടുംപറമ്പ് മനയിൽ നിന്നും ആരംഭിച്ച താലപ്പൊലിക്ക് ഭാരവാഹിയായ ഉണ്ണികൃഷ്ണൻ നായർ, രാമചന്ദ്രൻ ആര്യാട്ട്, നന്ദകുമാർ ഗീതാലയം, മുരളി ഹരിചന്ദനം, ബാബു ചക്കനാട്ട്, ഗിരിഷ് അശ്വതി, ഗീതാ ഗീതാലയം, സിന്ധു വെള്ളാപ്പള്ളി എന്നിവർ നേതൃത്വം നല്കി. ഉൽസവത്തിന്റെ ഭാഗമായി നടന്നു വന്നിരുന്ന കളമെഴുത്തും പാട്ടും സമാപിച്ചു. വെച്ചൂർ രാജേഷ്, വൈക്കം ഉണ്ണിക്കണ്ണൻ എന്നിവരുടെ നേതൃത്വത്തിൽ 16 കൈകളിൽ ആയുധമേന്തിയ ദേവിയുടെ രൂപമാണ് എഴുതിയത്. ശ്രീ ദുർഗ്ഗാ പുരുഷ സ്വാശ്രയ സംഘത്തിന്റെ നേതൃത്വത്തിൽ ചുറ്റുവിളക്കും എതിരേൽപ്പും നടന്നു.