പൂവത്തുംച്ചുവട് ജംഗ്ഷനിൽ കൾവെർട്ട് നിർമാണം: പൊതി - കയ്യൂരിക്കൽ റോഡിൽ ഒക്ടോബർ 6 മുതൽ ഗതാഗതം നിരോധിച്ചു

തലയോലപ്പറമ്പ്: പൊതുമരാമത്ത് വകുപ്പിൻ്റെ കീഴിലുള്ള പൊതി - കയ്യൂരിക്കൽ റോഡിൽ പൂവത്തുംച്ചുവട് ജംഗ്ഷനിൽ കൾവെർട്ട് നിർമാണം നടക്കുന്നതിനാൽ ഇതു വഴിയുള്ള ഗതാഗതം 06.10.2025 മുതൽ നിർമ്മാണം പൂർത്തിയാകുന്നത് വരെ പൂർണ്ണമായി നിരോധിച്ചിരിക്കുന്നതായി പൊതുമരാമത്ത് നിരത്തുകൾ വിഭാഗം തലയോലപ്പറമ്പ് സെക്ഷൻ അസിസ്റ്റൻ്റ് എഞ്ചിനീയർ അറിയിച്ചു. ഇറുമ്പയത്ത് നിന്നും വരുന്ന വാഹനങ്ങൾ കപ്പേള ജംഗ്ഷനിൽ നിന്നും തിരിഞ്ഞ് കൂവപ്പള്ളി കെ.വി. സ്കൂൾ വഴി വെള്ളൂർ പോലീസ് സ്റ്റേഷൻ റോഡു വഴിയും, കയ്യൂരിക്കലിൽ നിന്നും വരുന്ന വാഹനങ്ങൾ പൂവത്തുംച്ചുവട് ജംഗ്ഷനിൽ നിന്നും തിരിഞ്ഞ് കലയത്തുംകുന്ന് റോഡ് വഴിയും പോകേണ്ടതാണെന്ന്  പൊതുമരാമത്ത് വകുപ്പ് അറിയിച്ചു.