വൈക്കം: വെച്ചൂർ പഞ്ചായത്തിലെ ഒരു റോഡ് ടാറിങ്ങിലെ കൗതുകം കാണാം.

ഇതിൻറെ കുഴപ്പക്കാർ ആരാണെന്ന് മാത്രം ചോദിക്കരുത്. കൗതുകം മാത്രമാണ് പറയുന്നത്. വിവരങ്ങൾ ഒന്നും ആധികാരികവുമല്ല. ഒരു കിലോമീറ്റർ ഓളം വരുന്ന വെച്ചൂർ മറ്റം റോഡാണ് ഇത്. ടാറിങ്ങിനായി കുത്തിപ്പൊളിച്ച് പണിയൊക്കെ തുടങ്ങിയിട്ട് അഞ്ച് എട്ട് മാസമായി.അടുത്ത ദിവസമാണ് ഈ റോഡിലെ ഔട്ട് പോസ്റ്റ് മുതൽ ഈട്ടുംപുറം വരെ ഇങ്ങനെ ടാർ ചെയ്തത്. പുതിയതായി ടാർ ചെയ്ത റോഡ് വഴി അങ്ങനെ വരുമ്പോൾ ഇടയ്ക്ക് വച്ചിട്ട് ടാറിംഗ് ഇല്ല കുഴിയാണ്. പിന്നെയും കുറച്ചു ദൂരം ടാറിങ് പിന്നെയും പൊളിഞ്ഞ റോഡ്. പിന്നെ അവിടെ ഇവിടെ കുഴി അടച്ചിട്ടുണ്ട്. ഒരു ജനപ്രതിനിധിയുടെ ഫണ്ട് വെച്ച് റോഡ് ടാർ ചെയ്തതാണ് ഇത്. സംഭവത്തെ പറ്റി അറിയുന്നത് ഇങ്ങനെയാണ്. ജനപ്രതിനിധിയുടെ ഫണ്ട് പല വാർഡുകളിലേക്ക് ആയി വീതിച്ചു. ആ സമയത്ത് ഈ റോഡിലെ ഔട്ട് പോസ്റ്റ് മുതൽ ഈട്ടും പുറം വരെയുള്ള തകർന്ന ഭാഗത്തെ മാത്രം എസ്റ്റിമേറ്റ് എടുത്തു. പക്ഷേ ടാറിങ് നടത്തിയപ്പോൾ അന്ന് നല്ല റോഡ് ആയിരുന്ന ഭാഗം മുഴുവൻ തകർന്ന് കുണ്ടും കുഴിയുമായി. കരാറുകാരന് എന്ത് ചെയ്യാൻ പറ്റും. എസ്റ്റിമേറ്റ് പ്രകാരം അളവെടുത്ത ഭാഗത്ത് മാത്രം ടാറ് ചെയ്തു. പിന്നെ ഒരു നല്ല കാര്യം കൂടി ചെയ്തു കരാറുകാരൻ. കരാറിലില്ലാത്ത ഭാഗത്തെ കുഴികളിൽ കുറച്ച് മിശ്രിതം ഒക്കെ ഇട്ട് മടങ്ങി. സംഭവം ഇപ്പൊ പൊല്ലാപ്പായി മാറി. ഒരു റോഡ് മുഴുവനായി അല്ലാതെ ഇങ്ങനെ ടാർ ചെയ്യുന്നത്, കാണുന്നത് ആദ്യമെന്നും യാത്ര, ദുരിതം തന്നെയെന്നും ആണ് പരാതി. സംഭവം അറിയാൻ വിവരാവകാശത്തിന് അപേക്ഷ വെച്ചിരിക്കുകയാണ് പ്രദേശ വാസികൾ.