സൗജന്യ ഡെന്റൽ ചെക്കപ്പ് & സ്ക്രീനിംഗ് അവയർനസ് ക്യാമ്പ്

വൈക്കം: തേജസ് നഗർ റെസിഡൻസ് അസോസിയേഷൻ സംഘടിപ്പിക്കുന്ന സൗജന്യ ഡെന്റൽ ചെക്കപ്പ് & സ്ക്രീനിംഗ് അവയർനസ് ക്യാമ്പ് ഇന്ന് കാണിച്ചേരി അങ്കൺവാടി കമ്മ്യൂണിറ്റി ഹാളിൽ നടക്കും. പഞ്ചായത്ത് മെമ്പർ കവിതാ റെജി ക്യാമ്പ് ഉദ്ഘാടനം ചെയ്യും.
രാവിലെ 9 മണി മുതൽ 11.00 മണി വരെയാണ് ക്യാമ്പ്. പല്ലും മോണയും സംബന്ധിച്ച പരിശോധന, ആരോഗ്യനില വിലയിരുത്തൽ, രോഗനിർണയം, കൂടാതെ ശരിയായ പരിപാലനരീതികൾ സംബന്ധിച്ച വിദഗ്ധ ഡോക്ടർമാരുടെ നിർദ്ദേശങ്ങളും ക്യാമ്പിലൂടെ ലഭ്യമാകുന്നതാണ്.