സാഹിത്യ സംവാദം നടത്തി

വൈക്കം: വൈക്കത്തെ എഴുത്തുകാരുടെ സംഗമവും, സാഹിത്യ സംവാദവും താലൂക്ക് ലൈബ്രറി കൗൺസിൽ സെക്രട്ടറി ആർ. പ്രസന്നൻ ഉദ്ഘാടനം ചെയ്തു. വൈക്കപ്രയാർ ഭാഗീരതി ടീച്ചർ ഗ്രാമീണ വായനശാലയിൽ നടന്ന സംഗമത്തിൽ താലൂക്ക് ലൈബ്രറി കൗൺസിൽ അംഗം പി. സോമൻ പിള്ള അധ്യക്ഷത വഹിച്ചു. രാജൻ അക്കരപ്പാടം മുഖ്യ പ്രഭാഷണം നടത്തി. സാഹിത്യവും സമൂഹവും എന്ന വിഷയം കവി മീരാബെൻ അവതരിപ്പിച്ചു. കവി അരവിന്ദൻ കെ.എസ്. മംഗലം എഴുത്തുകാരായ രവിശങ്കർ, സലിം മുല്ലശ്ശേരിൽ, എ.കെ. മണി, ടി.വി. പരമേശ്വരൻ എന്നിവർ ചർച്ചകൾക്കു നേതൃത്വം നൽകി. പ്രസിഡന്റായി പി.സോമൻപിള്ളയെ തെരഞ്ഞെടുത്തു. വൈസ് പ്രസിഡന്റായി രവിശങ്കർ, ട്രഷററായി അരവിന്ദൻ കെ.എസ് മംഗലം, സെക്രട്ടറിയായി എ.കെ. മണി, ജോയിന്റ് സെക്രട്ടറിയായി സലിം മുല്ലശ്ശേരി എന്നിവരെ തെരഞ്ഞെടുത്തു.