സ്കൂൾ വാഹന പരിശോധന: വൈക്കത്ത് കർശന നടപടികളുമായി മോട്ടോർ വാഹന വകുപ്പ്

വൈക്കം: 2026-27 അധ്യയന വർഷത്തിന് മുന്നോടിയായി വിദ്യാർത്ഥികളുടെ സുരക്ഷ ഉറപ്പുവരുത്തുന്നതിനായി വിദ്യാഭ്യാസ സ്ഥാപനങ്ങളിലെ വാഹനങ്ങളുടെ പ്രത്യേക മഴക്കാല പരിശോധന സംഘടിപ്പിക്കുന്നതായി മോട്ടോർ വാഹന വകുപ്പ് അറിയിച്ചു. പരിശോധന 2026 മെയ് 16, 20 തീയതികളിൽ വൈക്കം സത്യാഗ്രഹ ശതാബ്ദി സ്മാരക (ആശ്രമം) സ്കൂൾ മൈതാനത്ത് വച്ച് നടത്തപ്പെടുന്നതാണ്.
താലൂക്ക് പരിധിയിലെ എല്ലാ സ്കൂൾ/വിദ്യാഭ്യാസ സ്ഥാപനങ്ങളുടെയും വാഹനങ്ങൾ നിർബന്ധമായും പരിശോധനയ്ക്ക് ഹാജരാക്കണമെന്ന് ജോയിന്റ് ആർ.ടി.ഒ അറിയിച്ചു. വാഹനങ്ങളുടെ ഫിറ്റ്നസ്, സുരക്ഷാ സംവിധാനങ്ങൾ, രേഖകൾ, അടിയന്തര സുരക്ഷാ ഉപകരണങ്ങൾ എന്നിവ പരിശോധിക്കുന്നതാണ്. പരിശോധനക്ക് യഥാസമയം ഹാജരായി സ്റ്റിക്കർ ലഭിക്കാത്ത സ്കൂൾ വാഹനങ്ങൾ യാതൊരു കാരണവശാലും സർവീസ് നടത്തുവാൻ അനുവദിക്കുന്നതല്ല എന്നും വൈക്കം ജോയിന്റ് ആർ.ടി.ഒ അറിയിച്ചു