ശബരിമല സ്വർണക്കൊള്ള: നടൻ ജയറാമിന്റെ ചോദ്യംചെയ്യൽ പൂർത്തിയായി

കൊച്ചി: ശബരിമല സ്വർണക്കൊള്ള കേസിൽ നടൻ ജയറാമിന്റെ ചോദ്യംചെയ്യൽ പൂർത്തിയായി. ഇ.ഡിയുടെ കൊച്ചി സോണൽ ഓഫീസിൽ വെച്ചായിരുന്നു ചോദ്യംചെയ്യൽ. ഇ.ഡി ഓഫീസിൽ രാവിലെ 11 മണിയോടെ ആരംഭിച്ച ചോദ്യംചെയ്യൽ മൂന്നര മണിക്കൂറോളം നീണ്ടു. തനിക്കറിയാവുന്ന കാര്യങ്ങളെല്ലാം ഇ.ഡി ഉദ്യോഗസ്ഥരോട് പറഞ്ഞിട്ടുണ്ടെന്നും ചോദ്യം ചെയ്യലിനായി വീണ്ടും വിളിപ്പിച്ചിട്ടില്ലെന്നും ഇ.ഡി ഓഫീസിൽനിന്ന് പുറത്തിറങ്ങിയ ശേഷം ജയറാം മാധ്യമങ്ങളോട് പ്രതികരിച്ചു.