കോട്ടയം: ശബരിമല യുവതി പ്രവേശനത്തിൽ സർക്കാരും ദേവസ്വം ബോർഡും നിലപാട് തിരുത്തണമെന്ന് എൻ.എസ്.എസ്. യുവതി പ്രവേശനത്തെ സർക്കാർ സുപ്രീം കോടതിയിൽ എതിർക്കുമെന്ന് സുകുമാരൻ നായർ പറഞ്ഞു. കേന്ദ്രം ഇതുവരെ വിഷയത്തിൽ ഇടപെട്ടിട്ടില്ല. എൻ.എസ്.എസ് നിലപാടിൽ മാറ്റമില്ല. സുപ്രീം കോടതി ഭരണഘടനാ ബഞ്ച് രൂപീകരിച്ചതിൽ എൻ.എസ്.എസിന് പ്രതീക്ഷയുണ്ട്. വിശ്വാസം നിലനിറുത്തിക്കൊണ്ട് വേണം പുരോഗമനാശയങ്ങൾ കൊണ്ടു വരാനെന്നും സുകുമാരൻ നായർ പറഞ്ഞു. ശബരിമല യുവതി പ്രവേശം തിരുത്തേണ്ടത് സർക്കാർ തിരുത്തണമെന്ന് വെള്ളാപ്പള്ളി നടേശൻ. വിധിയെ അനുകൂലിച്ചവർ തന്നെ എതിർക്കുന്നു. സർക്കാർ തിരുത്തും എന്നാണ് പ്രതീക്ഷ എന്നും വെള്ളാപ്പള്ളി പറഞ്ഞു. ജനവികാരം മനസ്സിലാക്കിയാണ് സർക്കാരിൻ്റെ പ്രവർത്തനമെന്നും അയ്യപ്പഭക്തരെ ആകർഷിക്കുന്ന തീരുമാനം തന്നെ വേണമെന്നും വെള്ളാപ്പള്ളി പറഞ്ഞു