ശ്രീജഗദംബിക ക്ഷേത്രത്തില്‍ കുംഭ ഭരണി ഉത്സവം

വൈക്കം: ചെമ്പ് മുറിഞ്ഞപുഴ ശ്രീജഗദംബിക ക്ഷേത്രത്തിലെ കുംഭ ഭരണി മഹോത്സവം 18 മുതല്‍ 23 വരെ ആഘോഷിക്കും. 17 ന് വൈകിട്ട് 4 ന് കൊടിക്കയര്‍ സമര്‍പ്പിക്കും. 18 ന് രാവിലെ 9 നും 11 നും ഇടയ്ക്കുള്ള സമയത്ത് ക്ഷേത്രം തന്ത്രി മോനാട്ടില്ലത്ത് കൃഷ്ണന്‍ നമ്പൂതിരിയുടെ മുഖ്യ കാര്‍മ്മികത്വത്തില്‍ കൊടിയേറും. തുടര്‍ന്ന് കൊടിമരച്ചുവട്ടില്‍ പറ നിറയ്ക്കല്‍, 12.30 ന് മഹാപ്രസാദം ഊട്ട്. വൈകിട്ട് 5 ന് വിവധ കേന്ദ്രങ്ങളില്‍ നിന്നും താലപ്പൊലികള്‍ എത്തും. തുടര്‍ന്ന് ഡാന്‍സ്, കുട്ടികളുടെ കലാപരിപാടികള്‍, ക്ലാസിക്കല്‍ ഡാന്‍സ്. 19 ന് രാവിലെ 8.30 ന് കൊടിമരച്ചുവട്ടില്‍ പറ നിറയ്ക്കല്‍, വൈകിട്ട് 6 ന് താലപ്പൊലി, 8 ന് നാടകം, 20 ന് രാവിലെ 10 ന് ചെറുകാവടി അഭിഷേകം, 10.30 ന് കാവടി അഭിഷേകം, 12 ന് അന്നദാനം, വൈകിട്ട് 5 ന് താലപ്പൊലി, 8 ന് കാവടി ഘോഷയാത്ര 21 ന് രാവിലെ 9 ന് സര്‍പ്പങ്ങള്‍ക്ക്  നൂറും പാലും അഭാഷേകം, വൈകിട്ട് താലപ്പൊലി, 7.30 ന് ദേശതാലപ്പൊലി തുടര്‍ന്ന് സമൂഹ താലപ്പൊലികള്‍, 8 ന് ഗാനമേള, 22 ന് രാവിലെ 8.30 ന് കുംഭ കുടം, പാല്‍ക്കാവടി, ചെറുകാവടി അഭിഷേകം, 11.30 ന് കളമെഴുത്തും പാട്ടും, ഉച്ചയ്ക്ക് പ്രസാദം ഊട്ട്, വൈകിട്ട് കാഴ്ച ശ്രീബലി, കാവടി ഘോഷയാത്ര. 23 ന് രാവിലെ കലശാഭിഷേകം, വൈകിട്ട് മഹാദീപാരാധന, താലപ്പൊലി, ഭക്തിഗാനസുധ, രാത്രി ആറാട്ട് പുറപ്പാട്.