ശ്രീനാരായണ ഗുരുദേവ പഞ്ചലോഹ വിഗ്രഹപ്രതിഷ്ഠാ വാര്‍ഷികം നടത്തി
വൈക്കം: ചെമ്മനത്തുകര വടക്ക് 1295 -ാം നമ്പര്‍ എസ്.എന്‍.ഡി.പി. ശാഖാ യോഗത്തിന്റെ ബ്രഹ്‌മചൈതന്യ ക്ഷേത്രത്തില്‍ ശ്രീനാരായണ ഗുരുദേവ പഞ്ചലോഹ വിഗ്രഹ പ്രതിഷ്ഠയുടെ പതിമൂന്നാമത് വാര്‍ഷികം ഭക്തി നിര്‍ഭരമായ ചടങ്ങുകളോടെ നടത്തി. ക്ഷേത്രം തന്ത്രി സുരേഷ് വൈക്കത്തുശ്ശേരി, മേല്‍ശാന്തി എം.ഡി. ഷിബു പട്ടശ്ശേരി, രാഘേഷ് ശ്രീലാല്‍, അഭയദാസ് എന്നിവര്‍ കാര്‍മ്മികരായിരുന്നു. രാവിലെ ഗണപതിഹോമം, പഞ്ചവിംശതി കലശപൂജ, കലശാഭിഷേകം, പ്രഭാഷണം, മഹാപ്രസാദം ഊട്ട്, വിശേഷാല്‍ ദീപാരാധന, ദീപക്കാഴ്ച എന്നിവ പ്രധാന ചടങ്ങുകളായിരുന്നു. ചടങ്ങുകള്‍ക്കു ക്ഷേത്രം ഭാരവാഹികളായ പ്രസിഡന്റ് പുഷ്പന്‍ നമ്പ്യത്ത്, സെക്രട്ടറി പി.എല്‍. ബ്രിജിലാല്‍. വി.വി. കനകാംബരന്‍, വൈസ് പ്രസിഡന്റ് അഭിലാഷ്, ലക്ഷ്മണന്‍, ജയകുമാര്‍, ജയന്‍, കുസുമന്‍, വിഷ്ണുരാജ്, ശ്യാം കുമാര്‍ എന്നിവര്‍ നേതൃത്വം നല്‍കി.
Comments ()