വെച്ചൂർ: വെച്ചൂർ - കല്ലറ റോഡരികിൽ ശുചിമുറിമാലിന്യം തള്ളൽ വ്യാപകമായിട്ടും തടയാൻ നടപടിയില്ലെന്ന് പരാതി.

കഴിഞ്ഞ ദിവസവും ഇവിടെ ശുചിമുറി മാലിന്യം തള്ളി. കല്ലറ റോഡിൽ പൂവത്തിക്കരി പ്രദേശത്ത് പാടശേഖരത്തിലേക്ക് ഒഴുകുന്ന രീതിയിൽ വ്യാപാരസ്ഥാപനങ്ങൾക്കും കടകൾക്കും സമീപമാണ് ശുചിമറി മാലിന്യ തള്ളിയത്. പ്രദേശത്ത് റോഡിലായി വെച്ചൂർ പഞ്ചായത്ത് നിരവധി സി.സി.ടിവി ക്യാമറകൾ വച്ചിട്ടുണ്ടെങ്കിലും മാലിന്യം തള്ളിലിന് കുറവുണ്ടായിട്ടില്ല. ശുചിമുറി മാലിന്യം തള്ളുന്ന വാഹനങ്ങൾ പിടിച്ചെടുക്കാനും ശക്തമായ നടപടിയെടുക്കാനും പോലീസ് തയ്യാറാകാത്തതാണ് ഇവിടെ തുടർച്ചയായി ശുചിമുറി മാലിന്യം നിക്ഷേപിക്കാൻ കാരണമാകുന്നതെന്നാണ് പരാതി. മാലിന്യം തള്ളിയ പ്രദേശത്ത് പഞ്ചായത്തിന്റെ നേതൃത്വത്തിൽ ക്ലോറിനേഷൻ നടത്തി.