വൈക്കം: സീനിയർ ചേമ്പർ ഇന്റർനാഷണലിന്റെ വൈക്കം -ഡൽഹി ലീജിയനുകളുടെ സംയുക്ത സമ്മേളനവും യുവജന ബോധവൽക്കരണ സെമിനാറും വൈക്കം ലീജിയൻ പ്രസിഡന്റ്‌ എസ്.ഡി. സുരേഷ്ബാബു ഉദ്ഘാടനം ചെയ്തു. ദേശീയ വൈസ് പ്രസിഡന്റ്‌ കെ. പി. വേണുഗോപാൽ അദ്ധ്യക്ഷത വഹിച്ചു. ഡിജിറ്റൽ യുഗത്തിലെ യുവത്വം എന്ന വിഷയത്തിൽ കൊച്ചി സിറ്റി പോലീസ് അസിസ്റ്റന്റ് കമ്മീഷണർ ടി.ബി. വിജയൻ മുഖ്യ പ്രഭാഷണം നടത്തി. ഡൽഹി ലീജിയൻ പ്രസിഡന്റ്‌ ഡോ. തോമസ്, സി.കെ. രാമചന്ദ്രൻ, സാംജി ടി.വി. പുരം, കെ. എസ്. അരവിന്ദൻ, ഐജു പി. ജേക്കബ്, ജോർജ് വി.ജെ, ജോസഫ് വർഗ്ഗീസ്, ഡി. നാരായണൻ നായർ, എൻ. സിദ്ധാർഥൻ, അഡ്വ. എം.പി. മുരളീധരൻ, കെ. ശിവപ്രസാദ്, സേവ്യർകുട്ടി, തുടങ്ങിയവർ നേതൃത്വം നൽകി.