സ്കൂൾ വാർഷികവും യാത്രയയപ്പ് സമ്മേളനവും നാളെ

വൈക്കം: തെക്കേനട സർക്കാർ ഹയർ സെക്കൻഡറി സ്കൂൾ വാർഷികവും യാത്രയയപ്പ് സമ്മേളനവും നാളെ. വൈക്കം സമൂഹം ഹാളിലാണ് പരിപാടി. രാഗ എന്ന പേരിട്ടിരിക്കുന്ന പരിപാടിയുടെ സമ്മേളനം നഗരസഭ ചെയർമാൻ അബ്ദുൽസലാം റാവുത്തർ ഉദ്ഘാടനം ചെയ്യും.

വൈക്കം ഭാസിയാണ് 2k26 ഉദ്ഘാടനം ചെയ്യുന്നത്. സംസ്ഥാന കലാ കായിക മേളയിൽ വിജയികളായ വിദ്യാർത്ഥികളെ ചടങ്ങിൽ നഗരസഭാ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ഡി. രഞ്ജിത് കുമാർ അനുമോദിക്കും. നഗരസഭ അംഗങ്ങളായ എം.ആർ. അനിൽകുമാറും കെ.ബി. ഗിരിജ മാരിയുമാണ് സമ്മാനദാനം നടത്തുന്നത്. പി.ടി.എ പ്രസിഡൻറ് സജിത നന്ദകുമാർ ചടങ്ങിൽ അധ്യക്ഷത വഹിക്കും.