സണ്ണി കപികാടിനെ മസരിപ്പിക്കാമെന്ന് പറഞ്ഞിട്ടില്ല: വി.ഡി. സതീശൻ

ഡൽഹി: വൈക്കത്ത് സണ്ണി കപികാടിനെ മസരിപ്പിക്കാമെന്ന് പറഞ്ഞിട്ടില്ലെന്ന് വി.ഡി. സതീശൻ. താൻ അങ്ങോട്ട് സീറ്റ് വാഗ്ദാനം ചെയ്തിട്ടില്ല.വൈക്കം സീറ്റിൽ മത്സരിക്കാൻ താല്പര്യമുണ്ടെന്ന് അറിയിച്ച് ഏതാനും സംഘടന പ്രവർത്തകരുമായി തന്നെ വന്ന് കണ്ടു. കൻ്റോൺമെൻ്റ് ഹൗസിൽ തന്നെ വന്ന് കണ്ടാണ് വൈക്കം സീറ്റിൽ മത്സരിക്കാൻ താല്പര്യമുണ്ടെന്ന് അറിയിച്ചത്. അത് പാർട്ടിയിൽ ചർച്ച ചെയ്ത് പരിഗണിക്കാം എന്നാണ് പറഞ്ഞിരുന്നത്. എന്നാൽ പ്രാദേശികമായുള്ള ആളെ മത്സരിപ്പിക്കണം എന്നായിരുന്നു പാർട്ടി തീരുമാനം. അത് അവരെ നേരിട്ട് അറിയിച്ചിരുന്നതായും വി.ഡി. സതീശൻ ഡൽഹിയിൽ പറഞ്ഞു.