വൈക്കം: 46 മത് സംസ്ഥാന കരാട്ടെ ചാമ്പ്യൻഷിപ്പിൽ കോട്ടയത്തിനു വേണ്ടി വെള്ളി, വെങ്കല മെഡൽ നേടി കടുത്തുരുത്തി ആപ്പാഞ്ചിറക്കാരി. ഫെബ്രുവരി 15,16, തീയതികളിൽ തൃശ്ശൂർ വി.കെ.എൻ മേനോൻ ഇൻഡോർ സ്റ്റേഡിയത്തിൽ വച്ച് നടന്ന കേരള സ്പോർട്സ് കൗൺസിലിന്റെ അംഗീകാരത്തോടു കൂടി കേരള കരാട്ടെ അസോസിയേഷൻ സംഘടിപ്പിച്ച സംസ്ഥാന കരാട്ടെ ചാമ്പ്യൻഷിപ്പിൽ സബ്ജൂനിയർ പെൺകുട്ടികളുടെ കുമിത്തെ, കത്താ വിഭാഗത്തിൽ മിഷേൽ ആൻ തോമസ് കോട്ടയത്തിനു വേണ്ടി വെള്ളി, വെങ്കലം മെഡലുകൾ കൈവരിച്ചു. കീഴൂർ കൈഹോ ജുക്കു കരാട്ടെ അക്കാദമിലെ സെൻസെയ് ശരത് മോൻ പി.ആർന്റെ ഒപ്പമാണ് മിഷേലിൻ്റെ പരിശീലനം. ആപ്പാഞ്ചിറ പൂഴിക്കോൽ കച്ചോലം കാലായിൽ ജിനോയിയുടെയും ടിറ്റിയുടെയും മകളാണ്.