വൈക്കം: ത്രിതല പഞ്ചായത്തുകളിലേക്കും നഗരസഭയിലേക്കും തെരഞ്ഞെടുക്കപ്പെട്ടവർക്ക് മഹിളാ കോൺഗ്രസ് വൈക്കം നിയോജക മണ്ഡലം കമ്മറ്റിയുടെ നേതൃത്വത്തിൽ സ്വീകരണം നൽകി. പ്രസിഡൻ്റ് ഷീജാ ഹരിദാസിൻ്റെ അധ്യക്ഷതയിൽ നടന്ന സ്വീകരണ സമ്മേളനം വൈക്കം ബ്ളോക്ക് കോൺഗ്രസ് പ്രസിഡൻ്റ് പി.ഡി. ഉണ്ണി ഉദ്ഘാടനം ചെയ്തു. ജില്ലാ പഞ്ചായത്തിലേക്ക് വെള്ളൂർ ഡിവിഷനിൽ നിന്നും വിജയിച്ച വിജയമ്മ ബാബുവിനേയും, കല്ലറ പഞ്ചായത്ത് പ്രസിഡൻ്റ് മിനി അഗസ്റ്റിനേയും, വൈക്കം നഗരസഭാ വൈസ് ചെയർമാനായ സൗദാമിനി അഭിലാഷിനേയും തിരഞ്ഞെടുപ്പിൽ വിജയിച്ച മുഴുവൻ മഹിളാ കോൺഗ്രസ് അംഗങ്ങളേയും ഷാൾ അണിയിച്ചും മധുരപലഹാരങ്ങൾ നൽകിയുമാണ് സമ്മേളനത്തിൽ സ്വീകരിച്ചത്. പഞ്ചായത്തുകളിലേക്കും നഗരസഭയിലേക്കും വിജയിച്ചെത്തിയവർ കൂടുതൽ ഉത്തരവാദിത്വത്തോടെ പ്രയത്നിയ്ക്കണമെന്ന നിർദ്ദേശവും പാർട്ടി നേതൃത്വം അറിയിച്ചു.. മഹിളാ കോൺഗ്രസ് നിയമസഭാ തെരഞ്ഞെടുപ്പിൽ മുന്നണിപ്പോരാളികൾ ആയി പ്രവർത്തിക്കുമെന്ന് ജില്ലാപഞ്ചായത്ത് അംഗം വിജയമ്മ ബാബു പറഞ്ഞു.