താലപ്പൊലി ഭക്തി നിര്ഭരം
വൈക്കം: തലയാഴം തൃപ്പക്കുടം മഹാദേവക്ഷേത്രത്തിലെ ഉത്സവത്തോടനുബന്ധിച്ച് 1105-ാം നമ്പര് എന്.എസ്.എസ്. കരയോഗത്തിന്റെയും 342-ാം നമ്പര് എന്.എസ്.എസ്. വനിതാ സമാജത്തിന്റെയും നേതൃത്വത്തില് പൂങ്കാവ് ദേവീക്ഷേത്രത്തിലേയ്ക്ക് നടത്തിയ താലപ്പൊലി ഭക്തി നിര്ഭരമായി. തൃപ്പക്കുടം ക്ഷേത്രത്തിലെ 2-ാം ഉത്സവ ദിവസം 1105-ാം നമ്പര് എന്.എസ്.എസ്. കരയോഗം നടത്തുന്ന പരമ്പരാഗത ചടങ്ങാണ് താലപ്പൊലി. താലങ്ങളില് പുഷ്പങ്ങളും, ദീപങ്ങളും വെച്ച് ദേവീ സ്തുതികളുമായി നീങ്ങിയ താലപ്പൊലിയ്ക്ക് വാദ്യമേളങ്ങളും, മയൂര നൃത്തം, നെറ്റിപ്പട്ടം കെട്ടിയ ഗജവീരന് എന്നിവ അകമ്പടിയായി. വൈകിട്ട് തൃപ്പക്കുടം ക്ഷേത്രത്തില് പ്രത്യേക പൂജകള് നടത്തിയ ശേഷമാണ് താലപ്പൊലി പുറപ്പെട്ടത്. താലപ്പൊലിയ്ക്ക് കരയോഗം പ്രസിഡന്റ് കെ.സി. ഗോപാലകൃഷ്ണന് നായര്, വൈസ് പ്രസിഡന്റ് ജി. രാജശേഖരന് നായര്, സെക്രട്ടറി വിജയകുമാര്, ജോയിന്റ് സെക്രട്ടറി മുരളീധരന് നായര്, ട്രഷറര് രാജേന്ദ്രന് നായര്, വനിതാ സമാജം പ്രസിഡന്റ് പി. രുഗ്മിണി നായര്, സെക്രട്ടറി കെ.എസ്. സീതാലക്ഷ്മി, ട്രഷറര് ജെ. ജയശ്രീ എന്നിവര് നേതൃത്വം നല്കി. വൈകിട്ട് പൂങ്കാവ് ദേവീക്ഷേത്രത്തില് എത്തിയ താലപ്പൊലി ക്ഷേത്രത്തിന് പ്രദക്ഷിണം വെച്ചശേഷം താലങ്ങള് തിരുനടയില് സമര്പ്പിച്ചു.
Comments ()