കേരള ഹർത്താൽ വൈക്കത്തും തലയോലപ്പറമ്പിലും പ്രകടനം

തലയോലപ്പറമ്പ്: നിതിൻ രാജിന് നീതി ലഭിക്കണമെന്നാവശ്യപ്പെട്ട് ദളിത്-ആദിവാസി സംഘടനകൾ നടത്തുന്ന പ്രക്ഷോഭത്തിൻ്റെ ഭാഗമായ കേരള ഹർത്താലിന് മുന്നോടിയായി നിതിൻ രാജ് ആക്ഷൻ കൗൺസിൽ വൈക്കത്തും തലയോലപ്പറമ്പിലും പ്രകടനം നടത്തി. തലയോലപ്പറമ്പിൽ പള്ളിക്കവലയിൽ നിന്നാരംഭിച്ച് ചന്തയ്ക്കുള്ളിലൂടെ നഗരം ചുറ്റി സെൻട്രൽ ജംഗ്ഷനിൽ പ്രകടനം സമാപിച്ചു. ഭാരവാഹികളായ കെ.സി. ചന്ദ്രശേഖരൻ, എം.കെ. കണ്ണൻ, പി.പി. ജോയി, എം.കെ. ദാസൻ, ശ്രീജിത്ത്, തങ്കമ്മ ഫിലിപ്പ് എന്നിവർ നേതൃത്വം നൽകി.