വഴിയാത്രക്കാർക്ക് ആശ്വാസമായി തണ്ണീർ പന്തൽ

വൈക്കം: സി.പി.എം ടൗൺ നോർത്ത് ലോക്കൽ കമ്മറ്റിയുടെ തണ്ണീർ പന്തൽ തുറന്നു. ആദ്യ സ്വകാര്യ ബസ് സ്റ്റാൻസിൽ സംഭാരമാണ് തണ്ണീർ പന്തലിൽ നൽകുന്നത്. ചൂടിൻ്റെ കാഠിന്യം ഏറുന്ന സാഹചര്യത്തിലാണ് വഴിയാത്രക്കാർക്ക് ആശ്വാസമായി പാർട്ടി പ്രവർത്തകർ തണ്ണീർ പന്തൽ തുറന്നത്. വൈക്കത്തെ ആദ്യ സ്വകാര്യ ബസ്റ്റാൻ്റിൽ ഒരുക്കിയ തണ്ണീർപന്തൽ സി.പി.എം ഏരിയാ കമ്മറ്റി അംഗം സി.പി ജയരാജ് ഉദ്ഘാടനം ചെയ്തു. ലോക്കൽ സെക്രട്ടറി ടി.ജി ബാബു, ലോക്കൽ കമ്മറ്റി അംഗം കവിത രാജേഷ് നഗരസഭ കൗൺസിലർ പി.ടി. രാജേഷ് എന്നിവർ നേതൃത്ത്വത്തിൽ യാത്രാക്കാരായ മുഴുവൻ ആളുകൾക്കും സംഭാരം വിതരണം ചെയ്യും. രാവിലെ 11 മണി മുതൽ എല്ലാ ദിവസം കഴിയുന്നത്ര യാത്രക്കാർക്ക് ദാഹമകറ്റി ആശ്വാസമാകാനാണ് പാർട്ടി പ്രവർത്തകരുടെ തീരുമാനം.