ആറാട്ട് ഭക്തിസാന്ദ്രമായി
ആർ. സുരേഷ് ബാബു
വൈക്കം: ഇടയാഴം സുബ്രഹ്മണ്യ സ്വാമി ക്ഷേത്രത്തിലെ ഉൽസവത്തിന്റെ സമാപനമായി നടന്ന ആറാട്ട് ഭക്തിസാന്ദ്രമായി. തൃപ്പക്കുടം ക്ഷേത്രത്തിലെ കിഴക്കേ കുളത്തിൽ നടന്ന ആറാട്ട് ചടങ്ങിന് തന്ത്രി മനയത്താറ്റ് മന ദിനേശൻ നമ്പൂതിരി കാർമികത്വം വഹിച്ചു. മേൽശാന്തി യദുകൃഷ്ണൻ സഹകാർമ്മികനായി. ആറാട്ട് വരവിന് വിവിധ വാദ്യമേളങ്ങൾ അകമ്പടിയായി. ആറാട്ട് ബലി, കൊടിയിറക്ക്, 25 കലശം, അന്നദാനം, മ്യൂസിക്കൽ സിംഫണി, സംഗീത സന്ധ്യ എന്നിവയും നടന്നു. സബ് ഗ്രൂപ്പ് ഓഫിസർ എസ്. അനിൽകുമാർ, ഉപദേശക സമിതി ഭാരവാഹികളായ വെങ്കിടേശ്വരൻ, കാവും പള്ളി മഠം, ഗോപി പുളിന്തറയിൽ, വി.ടി. അശോകൻ, വേള പറമ്പിൽ അമൽ കണിയാന്തറ എന്നിവർ നേതൃത്വം നൽകി.
Comments ()