വൈക്കം: റോഡരികിലൂടെ നടന്നുപോകുന്നതിനിടെ ടാങ്കർ ലോറിയിടിച്ച് ടാങ്കർ ലോറിയുടെ ഡ്രൈവർ മരിച്ചു. വൈക്കം വെച്ചൂർ ചൂരക്കാട്ട് വീട് അശോകൻ തമ്പിയുടെ മകൻ അനീഷ് (41) ആണ് മരിച്ചത്. തിങ്കളാഴ്ച്ച രാത്രി 10.30 ഓടെ സീപോർട്ട് എയർപോർട്ട് റോഡിൽ ഇരുമ്പനം ഐ.ഒ.സി കമ്പനിക്ക്
മുന്നിലായിരുന്നു അപകടം. ഇരുമ്പനം ബി.പി.സി.എല്ലിലെ ടാങ്കർ ലോറി ഡ്രൈവറായ അനീഷ് നടന്നു പോകുന്നതിനിടെ റോഡിൽ തെക്ക് ദിശയിൽ നിന്നും വടക്കോട്ട് അമിത വേഗതയിലെത്തിയ ടാങ്കർ ലോറി അനീഷിനെ ഇടിച്ച് വീഴ്ത്തിയ ശേഷം നിർത്താതെ പോകുകയായിരുന്നു.
സംസ്‌കാരം നടത്തി. മാതാവ്: ശ്യാമള. ഭാര്യ: ശ്രീകുട്ടി മക്കൾ: അഭിദേവ്, ആദ്യ അനീഷ്.