ജനകീയ ആരോഗ്യ കേന്ദ്രം ഉദ്ഘാടനം ചെയ്തു

ഉദയനാപുരം: പഞ്ചായത്ത് ഫാമിലി ഹെൽത്ത് സെൻ്ററിൻ്റെ കീഴിലുള്ള ഇരുമ്പൂഴിക്കര ജനകീയ ആരോഗ്യ കേന്ദ്രം പഞ്ചായത്ത് പ്രസിഡൻ്റ് കെ.ജി രാജു ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്ഥിരം സമിതി അദ്ധ്യക്ഷൻ അജിതാ മധുക്കുട്ടൻ അദ്ധ്യക്ഷത വഹിച്ചു. പഞ്ചായത്തിലെ 2, 3, 4, 11, 13 എന്നീ അഞ്ച് വാർഡുകളിലെ ജനങ്ങൾക്ക് ഫാമിലി ഹെൽത്ത് സെൻ്റർ വഴി ലഭ്യമാകുന്ന സേവനങ്ങളും രോഗപ്രതിരോധ പ്രവർത്തനങ്ങളും വേഗത്തിൽ ലഭ്യമാക്കാൻ പുതിയ ജനകീയ ആരോഗ്യകേന്ദ്രം സഹായകരമാകും. ജില്ലാ പഞ്ചായത്ത് അംഗം എം.കെ. രാജേഷ്, മെഡിക്കൽ ഓഫീസർ ഡോ. അലക്സ് തോമസ്, വൈസ് പ്രസിഡൻ്റ് ബിന്ദു അനിൽകുമാർ, ജനപ്രതിനിധികളായ ജസീനാ ഷാജുദ്ദീൻ, പി.വി. പുഷ്കരൻ ഷൈലഷാ സതീശൻ, സുമേഷ് കൊല്ലേരി, ടി.പി രാജലക്ഷ്മി, ഗീതാ ഷാജി, എൻ.ഡി സുനി, സ്മിതാ വിജയൻ, അനുമോൾ എന്നിവരും ചടങ്ങിൽ പങ്കെടുത്തു. ചെട്ടി മംഗലം, വടക്കേ മുറി, അക്കരപ്പാടം എന്നിവിടങ്ങളിൽ സമാനരീതിയിൽ ജനകീയാരോഗ്യ കേന്ദ്രങ്ങൾ നിലവിൽ പ്രവർത്തിക്കുന്നുണ്ട്.