ഉദയനാപുരത്ത് അർഹതയുള്ള എല്ലാവർക്കും മുൻഗണനാപ്രകാരം വീട്
വൈക്കം: ഉദയനാപുരം പഞ്ചായത്തിൽ വാസയോഗ്യമായ വീടില്ലാത്ത 168 ഗുണഭോക്താക്കളുടെ പ്രത്യേക ഗ്രാമസഭ കൂടി. പഞ്ചായത്ത് ഓഡിറ്റോറിയത്തിൽ നടന്ന ഗ്രാമസഭ പ്രസിഡൻ്റ് കെ.ജി. രാജു ഉദ്ഘാടനം ചെയ്തു. ലൈഫ് പദ്ധതിയിലും, പി.എം.എ.വൈ കേന്ദ്രാവിഷ്‌കൃത പദ്ധതിയിലുമായി അർഹരായ മുഴുവൻ ഗുണഭോക്കൾക്കും മുൻഗണനാ മാനദണ്ഡപ്രകാരം വീട് നൽകാനാണ് പഞ്ചായത്ത് ലക്ഷ്യമിടുന്നത്. ഗ്രാമസഭക്ക് വൈസ് പ്രസിഡൻ്റ് ബിന്ദു അനിൽകുമാർ അദ്ധ്യക്ഷത വഹിച്ചു. വികസന കാര്യ സ്റ്റാൻഡിംഗ് കമ്മറ്റി ചെയർമാൻ കെ. ദീപേഷ് പദ്ധതി വിശദീകരണം നടത്തി. ജസീനാ ഷാജുദ്ദീൻ, അജിതാ മധുകുട്ടൻ പി.വി. പുഷ്ക്കരൻ, വി. ബിൻസ്, അഭിജിത്ത് ചായപള്ളി, ആജിഷാ ഉദയകുമാർ, സുമേഷ് കൊല്ലേരി എന്നിവർ പ്രസംഗിച്ചു.
Comments ()