ഉദയനാപുരം പഞ്ചായത്ത് ജലബജറ്റ് പ്രകാശനം ചെയ്തു

വൈക്കം: ഉദയനാപുരം പഞ്ചായത്ത് ജലബജറ്റ് പ്രകാശനം ചെയ്തു. ഗ്രാമപഞ്ചായത്തിന്റെ 17.65 ചതുരശ്ര കിലോമീറ്റർ അടിസ്ഥാനപ്പെടുത്തി വിവിധ വകുപ്പുകളുടെ സഹകരണത്തോടെയാണ് ജലബജറ്റ് തയ്യാറാക്കിയത്. ജല ബഡ്ജറ്റിന്റെ പ്രകാശനം പഞ്ചായത്ത് സെക്രട്ടറി പി.പി.വിനോദ് കുമാറിൽ നിന്നും പഞ്ചായത്ത് പ്രസിഡൻറ് കെ.ജി രാജു ഏറ്റുവാങ്ങി. പഞ്ചായത്തിന്റെ എല്ലാ പ്രദേശങ്ങളിലും ജലവിഭവം വിനിയോഗം എന്നിവ വിലയിരുത്തി തയ്യാറാക്കിയിട്ടുള്ള ജല ബഡ്ജറ്റ് കാർഷിക മേഖലയ്ക്കും പരിസ്ഥിതി സംരക്ഷണത്തിനും പ്രയോജനപ്പെടുന്നതാണ്. പഞ്ചായത്ത് വൈസ് പ്രസിഡൻറ് ബിന്ദു അനിൽകുമാർ പദ്ധതി കോ-ഓർഡിനേറ്റർ അനുപമ വികസന സ്റ്റാൻഡിങ് കമ്മിറ്റി ചെയർമാൻ കെ. ദീപേഷ് പഞ്ചായത്ത് അംഗങ്ങളായ പി.വി പുഷ്കരൻ, വി. ബിൻസ് എന്നിവർ പ്രസംഗിച്ചു