വൈക്കം: വനിത ദിനത്തെ വരവേറ്റ് ഉദയനാപുരം പഞ്ചായത്ത് ജാഗ്രത സമിതിയുടെ നേതൃത്വത്തിൽ സ്ത്രീശക്തി സംഗമം നടന്നു.

പഞ്ചായത്തിലെ വൻ സ്ത്രീകൂട്ടായ്മയാണ് പഞ്ചായത്തിൻ്റെ നേതൃത്വത്തിൽ സംഘടിപ്പിച്ചത്. കോട്ടയം ജില്ലയിലെ ഏറ്റവും മികച്ച സ്ത്രി സൗഹൃദ പഞ്ചായത്തായി തെരഞ്ഞെടുത്ത പശ്ചാതലത്തിൽ കൂടിയാണ് സ്തീ ശക്തി സംഗമം സംഘടിപ്പിച്ചത്. ലോക വനിതാ ദിനത്തിൽ ഡൽഹിയിൽ നടക്കുന്ന ആഘോഷപരിപാടികളിൽ പങ്കെടുക്കുന്നതിന് പഞ്ചായത്തിലെ ഒരു വനിത ജനപ്രതിനിധിക്ക് ക്ഷണം ലഭിച്ചിരുന്നു. സംഗമത്തിൽ സമൂഹത്തിൽ ശ്രദ്ധേയ നേട്ടം വരിച്ച പഞ്ചായത്തിലെ വനിതകളെ ആദരിച്ചു. മുൻ പഞ്ചായത്ത് പ്രസിഡൻ്റുമാരും പഞ്ചായത്ത് അംഗങ്ങളും ചടങ്ങിൽ ആദരം ഏറ്റുവാങ്ങി. ആട്ടവും പാട്ടുമൊക്കെയായി നടന്ന സംഗമം സ്ത്രീശക്തി വിളച്ചോതിയാണ് വനിത ദിനത്തെ വരവേറ്റത്. സ്ത്രീ ശാക്തീകരണത്തിനും സ്ത്രീകൾക്കും കുട്ടികൾക്കും എതിരായ എല്ലാ തരത്തിലുമുള്ള അനിതിക്കെതിരെ നിരന്തരം ജാഗ്രത പുലർത്തുന്ന പഞ്ചായത്താണ് ഉദയനാപുരം. പഞ്ചായത്ത് പ്രസിഡൻ്റ് കെ.ജി. രാജു, ജില്ലാ പഞ്ചായത്ത് അംഗം രാജേഷ്, സംഘാടക സമിതി കൺവീനർ കെ.ദീപേഷ്, ഐ.സി.ഡി.എസ് സൂപ്രവൈസർ സി.കെ. സുചിത്ര എന്നിവരും പഞ്ചായത്ത് അംഗങ്ങളും സ്ത്രീശക്തി സംഗമത്തിന് നേതൃത്വം നൽകി.