ഉല്ലല ലിറ്റില് ഫ്ലവർ ദേവാലയത്തില് തിരുനാള് പ്രദക്ഷിണം ഭക്തി നിര്ഭരം
വൈക്കം: ഉല്ലല ലിറ്റില് ഫ്ലവർ ദേവാലയത്തില് വിശുദ്ധ കൊച്ചുത്രേസ്യായുടെയും, വിശുദ്ധ സെബസ്ത്യാനോസിന്റെയും തിരുനാള് പ്രദക്ഷിണം ഭക്തി നിര്ഭരമായി. വിശുദ്ധയുടെ തിരുസ്വരൂപം ഞായറാഴ്ച വൈകിട്ട് മാരാംവീട് കപ്പേളയിലേയ്ക്ക് എഴുന്നള്ളിച്ചു. വാദ്യമേളങ്ങളും, മുത്തുകുടകളും, പൊന് - വെള്ളി കുരുശുകളും, അലങ്കാര ദീപങ്ങളും പ്രദക്ഷിണത്തിന് ഭക്തിയും ഭംഗിയും പകര്ന്നു. വൈകിട്ട് നടന്ന തിരുനാള് പാട്ടുകുര്ബാനയ്ക്ക് ഫാ. ജോയി പ്ളാക്കന്, ഫാ. എബ്രഹാം ഓലിയപ്പുറത്ത്, സഹ വികാരി ഫാ. വിന്സെന്റ് പറമ്പത്തറ എന്നിവര് കാര്മ്മികരായിരുന്നു. പ്രദക്ഷിണത്തിന് പ്രസുദേന്തിമാരായ സി.ജെ. ജോസഫ്, സി.ജെ. ജോര്ജ്ജ്, ബേബി ജോര്ജ്ജ്, സി.ജെ. ബേബി, ലിസി ബേബി, പള്ളി വികാരി വിന്സെന്റ് പറമ്പത്തറ, ട്രസ്റ്റിമാരായ സേവ്യര് കുറിച്ചിത്തറ, ബ്രിജേഷ് പനത്തറ, വൈസ് ചെയര്മാന് സേവ്യര് കണ്ടത്തിച്ചിറ എന്നിവര് നേതൃത്വം നല്കി
Comments ()