ഉല്ലല വെള്ളാപള്ളില് ദേവീ ക്ഷേത്രത്തില് സപ്താഹയജ്ഞം തുടങ്ങി
വൈക്കം: ഉല്ലല ശ്രീ വെള്ളാപള്ളില് ദേവീ ക്ഷേത്രത്തിലെ 11-ാ മത് ഭാഗവത സപ്താഹയജ്ഞത്തിന്റെ ദീപ പ്രകാശനം വിജയാ ഫാഷന് ജ്വല്ലറി മാനേജിംഗ് ഡയറക്ടര് ജി. വിനോദ് നിര്വ്വഹിച്ചു. യജ്ഞവേദിയില് പ്രതിഷ്ഠിക്കാനുള്ള ശ്രീകൃഷ്ണ വിഗ്രഹം ഉല്ലല ഓംകാരേശ്വരം ക്ഷേത്രത്തില് നിന്നും ആഘോഷപൂര്വ്വം യജ്ഞവേദിയിലേക്ക് കൊണ്ടുവന്നു. തന്ത്രി കുമാരന് കണിച്ചുകുളങ്ങര വിഗ്രഹ പ്രതിഷ്ഠ നടത്തി. യജ്ഞാചാര്യന് ഹരിപ്പാട് വേണുജി മാഹാത്മ്യ പ്രഭാഷണം നടത്തി. യൂണിയന് ബാങ്ക് മാനേജര് ധര്മ്മരാജ് അയ്യര് ഭാഗവത സമര്പ്പണവും കണ്ണന്തറ ദിനമണി ആദ്യ നിറപറ സമര്പ്പണം നിര്വ്വഹിച്ചു. പണപറ സമര്പ്പണം ജയചന്ദ്രന് നടത്തി. ക്ഷേത്രം പ്രസിഡന്റ് അനുമോന് കോപ്പിച്ചിറ, ബിന്ദു സാജന്, ആശ ഭാനുപ്രിയന്, എന്.ഡി. ഷാജി, ശ്രുതി പ്രഭോഥ, പി.എസ്. ഷാജി എന്നിവര് പങ്കെടുത്തു. ക്ഷേത്രം പ്രസിഡന്റ് ദേവാനന്ദന്, വൈസ് പ്രസിഡന്റ് റജിമോന്, സെക്രട്ടറി പാഴൂത്തറപ്പടി രജിമോന്, ജോയിന്റ് സെക്രട്ടറി ബിന്ദു തമ്പാന്, ട്രഷറര് കെ.എസ്. ബൈജു, മേല്ശാന്തി അനൂപ് ശാന്തികള് എന്നിവര് നേതൃത്വം നല്കി.
Comments ()