വൈക്കം: വൈക്കത്തഷ്ടമിയുടെ പ്രധാന താന്ത്രിക ചടങ്ങായ ഉത്സവബലി 5ന് ആരംഭിക്കും. തന്ത്രിമാരായ ഭദ്രകാളി മറ്റപ്പള്ളി നാരായണൻ നമ്പൂതിരി, കിഴക്കിനേടത്ത് മേക്കാട് മാധവൻ നമ്പൂതിരി എന്നിവരുടെ കാർമ്മികത്വത്തിൽ ഉച്ചക്ക് 1 മണിക്കാണ് ചടങ്ങ്. ഉത്സവ സമയത്ത് ഭഗവാന്റെ സാന്നിദ്ധ്യത്തിൽ നാലമ്പലത്തിനകത്തും പുറത്തുമുള്ള ദേവ പാർഷദന്മാർക്കും തൽപാർഷദന്മാർക്കും ജല ഗന്ധ പുഷ്പ ധൂപ ദീപ സമേതം ഹവിസ് ബലി അർപ്പിക്കുന്ന ചടങ്ങിൽ വൈക്കത്തപ്പന്റെ മൂലബിംബമാണ് എഴുന്നള്ളിക്കുന്നത്. ഉപവാസത്തോടെ ഉത്സവബലി ദർശിക്കുന്നത് ശ്രേയസ്കരമാണന്നാണ് വിശ്വാസം. 6, 8, 11 ന് തിയതികളിലും ഉത്സവബലിയുണ്ട്.