വൻ സ്ഫോടക വസ്തുശേഖരം പിടികൂടി

മലപ്പുറം: മലപ്പുറം ചെമ്മാട്ട് വൻ തോതിൽ ലോറിയിൽ കടത്താൻ ശ്രമിച്ച സ്ഫോടക വസ്തുക്കൾ പിടികൂടി. ഉള്ളി ചാക്കുകൾ നിറച്ച ലോറിയിലാണ് സ്ഫോടക വസ്തുക്കൾ കണ്ടെത്തിയത്.

ചെമ്മാട് ഒരു ഹോളോബ്രിക്സ് സ്ഥാപനത്തിൽ വച്ച് മറ്റൊരു വാഹനത്തിലേക്ക് മാറ്റാൻ ശ്രമിക്കുന്നതിനിടെയാണ് പിടികൂടിയത്. ഡിറ്റനേറ്റർ വയറുകൾ, ജലാറ്റിൻസ്റ്റിക്ക് തുടങ്ങിയവയുടെ വൻ ശേഖരമാണ് പിടികൂടിയത്. വാഹനത്തിൽ ഉണ്ടായിരുന്നവർ ഓടി രക്ഷപ്പെട്ടു. പ്രതികളെ പറ്റി സൂചന ലഭിച്ചിട്ടുണ്ട്. പോലീസ് അന്വേഷണം ഊർജിതമാക്കിയിട്ടുണ്ട്.