വാർഡ് അംഗങ്ങളുടെ നേതൃത്വത്തിൽ പ്രദേശവാസികൾ ടൗൺഹാളിന് സമീപത്ത് വളവിൽ അപകടസാധ്യത ഉയർത്തി തകർന്നുകിടന്ന റോഡിലെ കുഴി മൂടിയും കാനയുടെ മുകളിലെ തകർന്ന സ്ലാബ് മാറ്റിയും മാതൃകയായി.

ഏറെക്കാലമായി അപകട കാരണമായി കിടന്ന ഇടറോഡിലെ രണ്ട് മീറ്റർ ഭാഗത്താണ് സിമൻ്റിട്ട് കുഴിയടച്ചത്. കാനക്ക് മുകളിലെ തകർന്ന സ്ലാബുകൾ മാറിയും അപകടാവസ്ഥ ഒഴിവാക്കി. പ്രദേശത്തെ രണ്ട് വാർഡ് അംഗങ്ങളായ അനിൽകുമാറിൻ്റെയും റെജിമോളുടെയും നേതൃത്വത്തിൽ പതിനഞ്ചോളം വരുന്ന പ്രദേശവാസികൾ ചേർന്നാണ് അവധി ദിവസം ഈ മാതൃക പ്രവർത്തനം നടത്തിയത്. നഗരത്തിൽ നിന്ന ടൗൺഹാളിന് മുന്നിലൂടെ തെക്കേ നടയിലേക്ക് പോകുന്ന റോഡിലെ അപകടാവസ്ഥയാണ് പ്രദേശവാസകൾ ഒഴിവാക്കിയത്. നഗരസഭാ അംഗമായി തെരഞ്ഞെടുത്തപ്പോൾ മുതൽ അനിൽകുമാറും റെജിമോളും മാതൃകാ പ്രവർത്തനങ്ങളുമായി വാർഡിൽ സജീവമായിരുന്നു.