വാർഷിക പൊതുയോഗം നടത്തി

വൈക്കം: ഉല്ലല സർവീസ് സഹകരണ ബാങ്കിൻ്റെ 94ാമത് വാർഷിക പൊതുയോഗം പി.എസ്. ശ്രീനിവാസൻ സ്മാരക ഗവൺമെൻ്റ് എൽ.പി. സ്കൂളിൽ നടന്നു. ബാങ്ക് പ്രസിഡൻ്റ് ജെ.പി.ഷാജി അധ്യക്ഷത വഹിച്ചു. പ്രവർത്തന റിപ്പോർട്ടും കണക്കും ബാങ്ക് സെക്രട്ടറി മിഥുൻലാൽ അവതരിപ്പിച്ചു. യോഗത്തിൽ 2024-25 അധ്യയന വർഷം എസ്.എസ്എൽ.സി പ്ലസ്ടു പരീക്ഷകളിൽ മികച്ച വിജയം നേടിയവർക്ക് ക്യാഷ് അവാർഡും മൊമൊൻ്റോയും നൽകി. സംസ്ഥാനത്തെ മികച്ച വില്ലേജ് ഓഫീസറായി തെരഞ്ഞെടുത്ത വി.എം. സുനിൽകുമാർ, മികച്ച ഡബ്ബിംഗ് ആർട്ടിസ്റ്റിനുള്ള തവാർഡ് നേടിയ വൈക്കം ഭാസി, വിദ്യാഭ്യാസരംഗത്തെ മാതൃകാപരമായ പ്രവർത്തനം നടത്തുന്ന കെ.ജെ. വർക്കി കൊട്ടിശേരിൽ തുടങ്ങിയവരെ ആദരിച്ചു. ഡയറക്ടർ ബോർഡ് അംഗങ്ങളായ എസ്. ദേവരാജൻ, മനോരഞ്ജൻ, എം.വൈ. ജയകുമാരി തുടങ്ങിയവർ പ്രസംഗിച്ചു.