വാർഷിക സമ്മേളനം നടത്തി

തലയോലപറമ്പ്: കേരള സ്റ്റേറ്റ് സർവീസ് പെൻഷനേഴ്‌സ് യൂണിയൻ തലയോലപറമ്പ് യൂണിറ്റ് 34ാമത് വാർഷിക സമ്മേളനം നടത്തി. തലയോലപറമ്പ് ഗവൺമെൻ്റ് യു.പി സ്കൂൾ ഹാളിൽ പ്രസിഡൻ്റ് ടി. വാസപ്പൻ്റെ അധ്യക്ഷതയിൽ നടന്ന യോഗം കെ.എസ്.എസ്.പി.യു ജില്ലാ പ്രസിഡൻ്റ് ജോസ് തോമസ് ഉദ്ഘാടനം ചെയ്തു. യൂണിറ്റ് സെക്രട്ടറി ജോർജ് ജോസഫ് വാർഷിക റിപ്പോർട്ടും കണക്ക് ട്രഷറർ സാജു റസാക്കും അവതരിപ്പിച്ചു. യോഗത്തിൽ 80 വയസ് പിന്നിട്ട അംഗങ്ങളെയും തലയോലപറമ്പ് പഞ്ചായത്ത് അംഗം മോളി കുര്യനെയും ആദരിച്ചു. ടി.കെ. ഗോപി, എ. പത്രോസ്, സി.കെ. അന്നമ്മ, കെ.ടി. ഗോപി, വി.എ. ലക്ഷ്മിക്കുട്ടി, ആർ. വിലാസിനിയമ്മ, പി.എം. നസീർ, ജി. പ്രസാദ്, വി.കെ. വാസു, കെ. ശ്രീകുമാർ, കെ.ജെ. ജോസ് തുടങ്ങിയവർ സംബന്ധിച്ചു.