വാഴക്കാട് ശ്രീ മഹാവിഷ്ണു അനന്തശയന ക്ഷേത്രത്തില്‍ രോഹിണി ഉത്സവം തുടങ്ങി
വൈക്കം: തോട്ടകം വാഴക്കാട് ശ്രീ മഹാവിഷ്ണു അനന്തശയന ക്ഷേത്രത്തിലെ 13-ാമത് പ്രതിഷ്ഠാ വാര്‍ഷികവും രോഹിണി മഹോത്സവും 25 മുതല്‍ 29 വരെ ആഘോഷിക്കും. ഉത്സവാഘോഷ ചടങ്ങുകളുടെ ദീപ പ്രകാശനം ഞായറാഴ്ച രാവിലെ വിജയാ ഫാഷന്‍ ജ്വല്ലറി എം.ഡി. ജി. വിനോദ് നിര്‍വ്വഹിച്ചു. ക്ഷേത്രം പ്രസിഡന്റ് ആര്‍. രാജു, സെക്രട്ടറി എം. സനേഷ് പുത്തന്‍പുര, ക്ഷേത്രം തന്ത്രി മോഴിക്കോട് ഹംസാനന്ദന്‍, ശാന്തിമാരായ ദീപക് ശാന്തി, ജിഷ്ണു ശാന്തി എന്നിവര്‍ കാര്‍മ്മികരായിരുന്നു. രാവിലെ കലശപൂജ, കലശാഭിഷേകം, ഉച്ചയ്ക്ക് മഹാപ്രസാദം ഊട്ട്, വൈകിട്ട് താലപ്പൊലിയും നടത്തി. തുടര്‍ന്നുള്ള ദിവസങ്ങളില്‍ ഗണപതിഹോമം, കലശപൂജ, കലശാഭിഷേകം, മഹാപ്രസാദം ഊട്ട്, താലപ്പൊലി, ഭജനാമൃതം, കോല്‍ തിരുവാതിരകളി, പന്തീരടിപൂജ, ദശാവതാരപൂജ, കലശപൂജ, കലശാഭിഷേകം, ഉടുക്ക് പാട്ട്, അഷ്ട്ദ്രവ്യസമേതം, മഹാഗണപതി ഹോമം, കലശാഭിഷേകം, പ്രസാദം ഊട്ട്, ദീപക്കാഴ്ച, താലപ്പൊലി, ഫ്യൂഷന്‍ തിരുവാതിര എന്നിവ നടക്കും.
Comments ()