വാട്ടർ പ്യൂരിഫയർ ഉദ്ഘാടനം ചെയ്തു

വൈക്കം: വെച്ചൂർ ലയൺസ് ക്ലബിൻ്റെ ആഭിമുഖ്യത്തിൽ വെച്ചൂർ ഗവൺമെൻ്റ് ദേവി വിലാസം ഹയർ സെക്കൻഡറി സ്കൂളിൽ വാട്ടർ പ്യൂരിഫയർ നൽകി. സ്കൂളിൽ പി.ടി.എ പ്രസിഡൻ്റ് പി.എസ്. വേണുവിൻ്റെ അധ്യക്ഷതയിൽ നടന്ന യോഗത്തിൽ വെച്ചൂർ പഞ്ചായത്ത് വൈസ് പ്രസിഡൻ്റ് അഭിഷേക് വാട്ടർപ്യൂരിഫയറിൽ നിന്ന് കുടിവെള്ളം പകർന്ന് വിദ്യാർഥികൾക്ക് നൽകി ഉദ്ഘാടനം നിർവഹിച്ചു. വാർഡ് മെമ്പർമാരായ കെ. സുരേഷ്കുമാർ, എസ്. മനോജ് കുമാർ, ലയൺസ് ക്ലബ് പ്രസിഡൻ്റ് സജി കെ. അണ്ടളത്ത്, വൈസ് പ്രസിഡൻ്റ് സേവ്യർ മലയിൽ, സ്കൂൾ പ്രിൻസിപ്പൽ റോയി ജെ. മഞ്ഞക്കുന്നേൽ, ഹെഡ്മാസ്റ്റർ ജയിൻകുമാർ, എൻ.എസ്.എസ് പ്രോഗ്രാം ഓഫീസർ വി.ടി. വിദ്യ, പി.ടി.എ ഭാരവാഹികളായ ഷൈമോൻ മാറാലിൽ, ജിജി തുടങ്ങിയവർ പങ്കെടുത്തു.