ടി.വി. പുരം പാട്ടത്തിൽ ഉന്നതിയിൽ വഴിവിളക്കുകളില്ല; ഇരുട്ടിൽ തപ്പി ഇരുപതോളം കുടുംബങ്ങൾ

വൈക്കം: ടി.വി. പുരം പഞ്ചായത്തിലെ അഞ്ചാം വാർഡ് പാട്ടത്തിൽ ഉന്നതിയിൽ വഴിവിളക്കുകളില്ലാത്തത് അപകട ഭീതിയാകുന്നു. ഇരുപതോളം കുടുംബങ്ങൾ
താമസിക്കുന്ന ഈ പ്രദേശത്ത് വർഷങ്ങളായി വഴിവിളക്കുകൾ ഇല്ലെന്നാണ് പരാതി.

പാമ്പ് ശല്യവും തെരുവുനായ് ശല്യവും ഏറെയുള്ള പ്രദേശമായതിനാൽ ഉന്നതിവാസികളുടെയും അവിടെയെത്തുന്നവരുടെയും ജീവന് തന്നെ ഭീഷണിയെന്നാണ് ആക്ഷേപം ഉയരുന്നത്. വഴിവിളക്കുകൾ തെളിയിക്കാൻ അടിയന്തരം നടപടി വേണമെന്ന് ബി.ജെ.പി ടി.വി പുരം പഞ്ചായത്ത് കമ്മിറ്റി പ്രസിഡൻ്റ് അഡ്വക്കേറ്റ് അരുൺരാജ് ആർ. മേടയിൽ ആവശ്യപ്പെട്ടു.