വൈക്കം: വൈക്കം വടക്കേ നടയിലെ വിൽപന നികുതി ഓഫിസിന് സമീപം ജീർണ്ണാവസ്ഥയിൽ ഉണ്ടായിരുന്ന വാട്ടർ ടാങ്ക് ആണ് പൊളിച്ചത്.

ഇരുപത് അടി പൊക്കമുണ്ടായിരുന്ന ടാങ്കിന്റെ മൂന്ന് തൂണിൽ വടം കെട്ടി തൂണിന്റെ നടുവിൽ ചെറിയ വിള്ളൽ ഉണ്ടാക്കിയ ശേഷം ഹിറ്റാച്ചി ഉപയോഗിച്ച് വലിച്ചാണ് ടാങ്ക് വീഴ്ത്തിയത്.

അരനൂറ്റാണ്ട് മുമ്പ് സ്ഥാപിച്ച ജല സംഭരണ ടാങ്ക് വെള്ളൂരിൽ പമ്പ് ഹൗസ് പ്രവർത്തനം ആരംഭിച്ചതോടെയാണ് ഉപയോഗ ശൂന്യമായത്. ടാങ്കിൽ മഴ വെള്ളം നിറഞ്ഞു പുറത്തേക്ക് ഒഴുകിയതും അപകടാവസ്ഥായും ചൂണ്ടിക്കാട്ടിയതിനെ തുടർന്ന് ദുരന്ത നിവാരണ സേനയുടെ അറിയിപ്പു പ്രകാരം തഹസിൽദാർ നൽകിയ നിർദേശത്തെ തുടർന്നാണ് ടാങ്ക് പൊളിച്ചു നീക്കിയത്.