വി.ഡി സതീശൻ മന്ത്രിസഭയിലെ 14 പേർ പുതുമുഖങ്ങൾ
തിരുവനന്തപുരം: വി.ഡി. സതീശനെ കൂടാതെ കെ.പി.സി.സി അധ്യക്ഷൻ സണ്ണി ജോസഫ്, ബിന്ദു കൃഷ്ണ, പി.സി. വിഷ്ണുനാഥ്, എം. ലിജു, റോജി എം. ജോണ്‍, ടി. സിദ്ദിഖ്, ഒ.ജെ. ജനീഷ്, കെ.എ. തുളസി എന്നിവരാണ് കോണ്‍ഗ്രസില്‍ നിന്നുള്ള പുതുമുഖ മന്ത്രിമാർ. ലീഗിലെ 5 മന്ത്രിമാരില്‍ 4 പേരും പുതുമുഖങ്ങളാണ്. പി.കെ. ബഷീർ, കെ.എം. ഷാജി, എൻ. ഷംസുദീൻ, വി.ഇ. അബ്ദുള്‍ ഗഫൂർ എന്നിവരാണ് ലീഗിലെ മന്ത്രിമാർ. ഇതിന് പുറമെ സി.എം.പിയില്‍ നിന്നുള്ള സി.പി. ജോണ്‍ കൂടിയാകുമ്പോള്‍ മന്ത്രിസഭയിലെ പുതുമുഖങ്ങളുടെ എണ്ണം 14 ആകും.
രമേശ് ചെന്നിത്തല, കെ. മുരളീധരൻ, എ.പി. അനില്‍ കുമാർ എന്നിവർ കോണ്‍ഗ്രസില്‍ നിന്നുള്ള മറ്റ് മന്ത്രിമാർ.
മുസ്ലിം ലീഗിനെ സഭയില്‍ നയിക്കുന്ന പി.കെ. കുഞ്ഞാലിക്കുട്ടി തന്നെയാകും മന്ത്രിസഭയിലെ സൂപ്പർ സീനിയർ.
കേരള കോണ്‍ഗ്രസ് പി.ജെ. ഗ്രൂപ്പില്‍ നിന്നുള്ള മോൻസ് ജോസഫും, കേരള കോണ്‍ഗ്രസ് ജേക്കബ് ഗ്രൂപ്പില്‍ നിന്നുള്ള അനൂപ് ജേക്കബും, ആർ.എസ്.പി സംസ്ഥാന സെക്രട്ടറി ഷിബു ബേബി ജോണ്‍ എന്നിവരാണ് മന്ത്രിമാരാകുന്നത്. മൂവർക്കും മന്ത്രി സ്ഥാനത്ത് മുൻ പരിചയമുണ്ട്.
Comments ()