വിശുദ്ധ സെബസ്ത്യാനോസിന്റെ തിരുനാൾ: കഴുന്ന് എഴുന്നള്ളിപ്പ് പ്രദക്ഷിണം ഭക്തി സാന്ദ്രം
വൈക്കം: വൈക്കം ടൗണ് നടേല്പള്ളി വിശുദ്ധ സെബസ്ത്യാനോസിന്റെ തിരുനാളിനോടനുബന്ധിച്ച് ഞായറാഴ്ച വൈകിട്ട് നടന്ന കഴുന്ന് എഴുന്നള്ളിപ്പ് ഭക്തി നിര്ഭരമായി. രാവിലെ വിശുദ്ധ കുര്ബാനയ്ക്കു ശേഷം ഇടവകയിലെ മുഴുവന് ഭവനങ്ങളും കേന്ദ്രീകരിച്ച് കഴുന്ന് എഴുന്നള്ളിപ്പ് നടത്തി. വൈകിട്ട് 5 ന് ഇടവകയിലെ കുടുംബ യൂണിറ്റുകളുടെ നേതൃത്വത്തില് സംയുക്ത കഴുന്ന് എഴുന്നള്ളിപ്പ് പ്രദക്ഷിണം പള്ളിയിലേയ്ക്ക് നടത്തി. സെന്റ് ലിറ്റില് ഫ്ളവര്, സെന്റ് അല്ഫോന്സാ, സെന്റ് തോമസ്, ഹോളി ഫാമിലി, സെന്റ് ജോസഫ്, സെന്റ് മേരീസ്, സെന്റ് വിന്സെന്റ് ഡി. പോള്, മദര് തെരേസാസ് എന്നീ കുടുംബ യൂണിറ്റികളുടെ നേതൃത്വത്തില് കൊച്ചുകവല ജംഗ്ഷനില് നിന്നും സംയുക്ത കഴുന്ന് എഴുന്നള്ളിപ്പ് പള്ളിയിലേയ്ക്ക് പുറപ്പെട്ടു. പട്ടുകുടകളുടെയും, വാദ്യമേളങ്ങളുടെയും അകമ്പടിയോടെ നീങ്ങിയ പ്രദക്ഷിണത്തിന് പള്ളി വികാരി ഫാദര് ആന്റണി പരവര, ഫാദര് ഷിബു ചാത്തനാട്ട് എന്നിവര് നേതൃത്വം നല്കി. പ്രദക്ഷിണം പള്ളിയിലെത്തിയ ശേഷം ഫാദര് ടോണി മാളിയേക്കലിന്റെ മുഖ്യ കാര്മ്മികത്വത്തില് വിശുദ്ധ കുര്ബാന നടത്തി.
Comments ()