വടക്കുപുറത്ത് ദേശഗുരുതി: കേരള വിശ്വകര്‍മ്മ മഹാസഭ ദേശതാലപ്പൊലി നടത്തി
വൈക്കം: വൈക്കം മഹാദേവ ക്ഷേത്രത്തില്‍ പന്ത്രണ്ട് വര്‍ഷം കൂടുമ്പോള്‍ നടക്കുന്ന വടക്കുപുറത്ത് പാട്ടിന്റെ ഭാഗമായി മൂത്തേടത്തുകാവ് ഭഗവതി ക്ഷേത്രത്തില്‍ ഫെബ്രുവരി 6 ന് നടക്കുന്ന വടക്കുപുറത്ത് ദേശഗുരുതിയുടെ മുന്നോടിയായി വൈക്കം ചെമ്മനത്തുകര 1394-ാം നമ്പര്‍ അഖില കേരള വിശ്വകര്‍മ്മ മഹാസഭയുടെ നേതൃത്വത്തില്‍ മൂത്തേടത്തുകാവിലേയ്ക്ക് ദേശതാലപ്പൊലി നടത്തി. മൂത്തേടത്തുകാവ് ഭഗവതി ക്ഷേത്രത്തില്‍ പന്ത്രണ്ട് വര്‍ഷം കൂടുമ്പോള്‍ നടക്കുന്നതാണ് വടക്കുപുറത്ത് ദേശഗുരുതി. കല്‍പകശേരി മഹാദേവക്ഷേത്രത്തില്‍ പൂജകള്‍ നടത്തിയശേഷം മൂത്തേടത്തുകാവിലേയ്ക്ക് പുറപ്പെട്ട ദേശതാലപ്പൊലിയുടെ ദീപ പ്രകാശനം താലൂക്ക് യൂണിയന്‍ സെക്രട്ടറി എസ്. കൃഷ്ണന്‍ ആചാരി നിര്‍വ്വഹിച്ചു. ശാഖാ പ്രസിഡന്റ് സോമനാഥന്‍ ആചാരി, സെക്രട്ടറി പി.പി. സുനേഷ്, വൈസ് പ്രസിഡന്റ് ഗോപാലകൃഷ്ണന്‍, ജോയിന്റ് സെക്രട്ടറി മുരളീധരന്‍, മഹിളാ സമാജം ഭാരവാഹികള്‍ എന്നിവര്‍ നേതൃത്വം നല്‍കി. വൈകിട്ട് ക്ഷേത്രത്തിലെത്തിയ ദേശതാലപ്പൊലി ക്ഷേത്രത്തിന് പ്രദക്ഷിണം വെച്ചശേഷം താലങ്ങള്‍ നടയ്ക്കല്‍ സമര്‍പ്പിച്ചു.
Comments ()