തിരുവനന്തപുരം: സംസ്ഥാനത്ത് ആദ്യമായി വയോജനങ്ങൾക്കായി പ്രത്യേക വകുപ്പ് രൂപീകരിക്കുമെന്ന് മുഖ്യമന്ത്രി വി.ഡി സതീശൻ. ഇന്ത്യയിൽ ഒരു സംസ്ഥാനത്ത് വയോജനങ്ങൾക്കായി പ്രത്യേക വകുപ്പ് രൂപീകരിക്കുന്നത് ആദ്യം. സ്ത്രീകൾക്ക് ജൂൺ 15 മുതൽ കെ.എസ്.ആർ.ടി.സി ബസ്സിൽ സൗജന്യ യാത്ര പ്രഖ്യാപിച്ചു. ആദ്യ മന്ത്രിസഭാ യോഗത്തിന് ശേഷമാണ് പ്രഖ്യാപനം. കോൺഗ്രസിൻ്റെ തെരഞ്ഞെടുപ്പ് ഗ്യാരണ്ടിയിലെ രണ്ട് കാര്യങ്ങളാണ് നടപ്പാക്കുന്നത്. ആശാവർക്കർമാർക്ക് 3000 രൂപ അധിക വേതനം നൽകും. അംഗനവാടി ജീവനക്കാരുടെ വേതനത്തിലും ആയിരം രൂപ വർദ്ധന പ്രഖ്യാപിച്ചു. പാചക തൊഴിലാളികൾക്കും 1000 രൂപവേതന വർദ്ധന. പ്രീപ്രൈമറി ടീച്ചർമാർക്കും ആയിരം രൂപ വേതനം കൂട്ടി. ജി.സുധാകരൻ പ്രോ ടേം സ്പീക്കർ ആകും. നവ കേരള യാത്രയ്ക്കിടെ കോൺഗ്രസ് പ്രവർത്തകർക്ക് ഗൺമാൻമാരുടെ മർദ്ദനമേറ്റ സംഭവം പ്രത്യേകസംഘം അന്വേഷിക്കും.