വൈക്കം: ജില്ല ലീഗൽ സർവ്വീസ് അതോറിറ്റി സെക്രട്ടറിയും സബ് ജഡ്ജുമായ ജി പ്രവീണിനും, താലൂക്ക് ലീഗൽ സർവ്വീസ് കമ്മറ്റി ചെയർ പേഴ്സണും ജുഡീഷ്യൽ ഫസ്റ്റ് ക്ലാസ്സ്‌ മജിസ്‌ട്രേറ്റുമായ അർച്ചന കെ ബാബുവിനും വൈക്കം താലൂക്ക് ലീഗൽ സർവ്വീസ് സൊസൈറ്റിയുടെ നേതൃത്വത്തിൽ യാത്രയയപ്പു നൽകി. വൈക്കം മുൻസിഫ് അഭിനി മോൾ രാജേ ന്ദ്രൻ, ന്യായാധികാരി കെ.എം. ദേവിക, ബാർ അസോസിയേഷൻ സെക്രട്ടറി എം.ജി. രഞ്ജിത്, വിവിധ കോടതികളിലെ ജൂനിയർ സൂപ്രണ്ടുമാരും മുൻ താലൂക്ക് ലീഗൽ സർവ്വീസ് കമ്മറ്റി സെക്രട്ടറി ജയേഷ് എന്നിവർ യാത്രയയപ്പ് ചടങ്ങിൽ സംസാരിച്ചു. താലൂക്ക് ലീഗൽ സർവ്വീസ് കമ്മറ്റി സെക്രട്ടറി എം.പി. അശ്വിൻ കുമാർ സ്വാഗതവും, താലൂക്ക് ലീഗൽ സർവ്വീസ് കമ്മറ്റി ജീവനക്കാരി അനു ജോണി നന്ദിയും പറഞ്ഞു. അഭിഭാഷകരും, പാരാ ലീഗൽ വോളണ്ടിയർമാരും പങ്കെടുത്ത യാത്രയയപ്പ് ചടങ്ങ് വൈക്കം കോടതി സമുച്ചയത്തിലാണ് നടന്നത്.