ടി.വി. പുരത്ത് അന്താരാഷ്ട്ര യോഗ ദിനാചരണം സംഘടിപ്പിച്ചു

ടി.വി. പുരം: ടി.വി. പുരം സേവാഭാരതിയുടെ നേതൃത്വത്തിൽ അന്താരാഷ്ട്ര യോഗ ദിനം വിപുലമായ പരിപാടികളോടെ ആചരിച്ചു. മുത്തേടത്തുകാവ് എസ്.എൻ.എൽ.പി സ്കൂളിൽ വച്ച് ഞായറാഴ്ച രാവിലെ 9 മണിക്ക് യോഗ ദിനാചരണ പരിപാടികൾ ആരംഭിച്ചത്. ചടങ്ങിൽ പ്രമുഖ യോഗാചാര്യ ഗീത നായർ മുഖ്യതിഥിയായി പങ്കൈടുക്കുകയും യോഗ സന്ദേശം നൽകുകയും ചെയ്തു. ഇന്നത്തെ ആധുനിക ജീവിതശൈലിയിൽ ശാരീരിക-മാനസിക ആരോഗ്യ സംരക്ഷണത്തിന് യോഗയ്ക്കുള്ള പ്രാധാന്യത്തെക്കുറിച്ച് അവർ സംസാരിച്ചു. തുടർന്ന് യോഗാഭ്യാസ പ്രകടനങ്ങളും പരിശീലനവും നടന്നു. താലൂക്ക് സംഘ പ്രമുഖരും സേവാഭാരതി പ്രവർത്തകരും ചടങ്ങിൽ സന്നിഹിതരായിരുന്നു. സ്കൂൾ അധികൃതരും നാട്ടുകാരും ഉൾപ്പെടെ നിരവധി പേർ പങ്കെടുത്ത പരിപാടി പ്രകൃതി വന്ദനത്തോടെയാണ് സമാപിച്ചത്.