തിരുവനന്തപുരം: ശബരിമല യുവതി പ്രവേശത്തിൽ നിലപാട് മാറ്റി ദേവസ്വം ബോർഡ്. യുവതി പ്രവേശനം ദേവസ്വം ബോർഡ് എതിർക്കും. കോടതിയിൽ നിലപാട് അറിയിക്കാനും തീരുമാനം. യുവതി പ്രവേശം അനുകൂലിച്ചത് തിരുത്തിയാണ് ദേവസ്വം ബോർഡ് തീരുമാനം അറിയിക്കുന്നത്. ദേവസ്വം ക്ഷേത്രങ്ങളെയും ക്ഷേത്ര ആചാരങ്ങളെയും പരിരക്ഷിക്കുമെന്നും പ്രസിഡൻറ് കെ ജയകുമാർ അറിയിച്ചു. മാർച്ച് 14ന് മുമ്പ് കോടതിയെ നിലപാട് അറിയിക്കും. യുവതിപ്രവേശം അനുവദിച്ചത് വ്യക്തികളുടെ നിലപാട് ആയിരിക്കുമെന്നും അങ്ങനെ ഒരു നിലപാട് ദേവസ്വ ബോർഡ് എടുത്തിട്ടില്ലെന്നും ബോർഡ് പ്രസിഡൻ്റ് അറിയിച്ചു. ദേവസ്വം ബോർഡിന് ആചാരങ്ങളെ തള്ളി നിലപാട് എടുക്കാനാവില്ല എന്നും ജയകുമാർ പറഞ്ഞു.